2016年10月尾秋意遊 #2

Day 4 & 5 Alba

今日終於要到重頭戲 Alba。因為要駕長程車，所以牛餐都冇食到，好彩去到民宿有茶點。

白松露小知識： 

秋季是白松露的產季，每年十月至十一月在 Alba 都有松露交易中心和松露博覽會(La Fiera dei Tartufo)。其實白松露足迹遍及全個Piedmont省，以至意大利全國。不過係以 Alba 出產最出名。白松露同黑松露最大分別就係白松露是野生植物菌，難以人工養殖。而黑松露就可以人工養殖。

Alba 松露節官網: http://www.fieradeltartufo.org/

白松露食法： 白松露香氣好複雜、好細緻又好易揮發。太濃味食物都會遮蓋佢香味。而越簡單的食材就越會是最好配搭。

悠悠閒閒又到晚餐時間，今晚進餐地方叫 Osteria dell Arco。佢本身有一個Tasting menu 係 for 人客試食白松露菜色，另外人客又 order 可以另一些菜色而加白松露。

三個 tasting menu 的菜色以最簡單煎蛋配白松露係最好。有蛋香，蛋皇冇香港蛋常見的腥味。蛋熱可以帶出白松露香氣，未食已經吸引。比較失望係白松露沙律，因為白松露無熱氣配合，香味無來的強烈。是晚仲有order 另外一些菜色，不過無影相。😅

2016年10月尾秋意遊 #1

2016年10月尾秋意遊

意大利之前已經去過一次，今次再去目的是去 Outlet 買東西同食野。重中之重是去 Alba 食白松露。
行程： 香港 → Milano → Firenze → Parma → Alba → Milano

Day 1 & 2 Firenze

在 Firenze 分別試過兩間餐廳，分別是 Vini e Vecchi Sapori 和 L'Osteria di Giovanni。
Vini e Vecchi Sapori 是比較平民化一點，而 L'Osteria di Giovanni 相對上高級少少。不過兩間都很多人光顧，如果無訂位就好大機會吃閉門羹。

Vini e Vecchi Sapori  食物有水準，不過個人唔建議食他家的 raspberry tiramisu，因為食時有 raspberry 種子感覺怪怪的。

 L'Osteria di Giovanni 食物都有一定水準 (其實意大利大部份餐廳都有一定水準，今次旅程只中個一次雷，按下不表)。不過此餐廳環境有些暗，所以無影相😔

Day 3 Parma

自駕行行重行行終於到達 Parma。Parma 是行程的中途站，因為唔想駕駛太長時間，而又想試試當地名產 Parma Ham，所以特登在此留一晚。一到達午餐時間即去試一間餐廳 Antica Osteria della Ghiaia，估唔到 tripadvisor 評論唔差，居然係一個伏 😰😟😩😫。味道咸咸咸 (好緊要所以講三次)。最能 keep 到水準係支 sparkling water 😨。心情大壞無影想。

食完飯後市內找找食品雜貨店，腿全部都係腿 👍😀
火腿有咸香冇死咸，價錢平香港好多。食品店仲會好專業幫你抽真空，等你帶回家做手信都無問題。

晚餐在 La Greppia 食，同午餐不可同日而論。所叫大部份都有水準，不過唔建議齋點 Parma cheese 食，好硬又咸。是晚又不知什麼原因無影相 😅

Fe 屋開張大吉